ବାର ମାସରେ ତେର ଓଷା
କ୍ଷୀରି ପୁରୀ ସଙ୍ଗେ ମଣ୍ଡା ଆରିସା
ବୋଉ ହାତରନ୍ଧା ଶାଗ ଭାତ ସଙ୍ଗେ
ସର୍ବୋଚ୍ଚରେ ଅଛି ମୋ ମାତୃଭାଷା !!
ଡିବିରୀ ଆଲୁଏ ସେ ଧାନ ବସା
ଓଳିଛା ପାଣିରେ ସେ ଡ଼ଙ୍ଗା ଭସା
ଓଡ଼ିଆ ମନରେ ଉଙ୍କି ମାରଇ
ତେନ୍ତୁଳି ସାଙ୍ଗକୁ ପଖାଳ କଂସା !!
ଫର ଫର ଉଡେ ଶ୍ରୀକ୍ଷେତ୍ର ନେତ
ଶସ୍ୟ ଶ୍ୟାମଳରେ ସବୁଜ କ୍ଷେତ
ବାଧା ବିଘ୍ନ ସବୁ ହଟି ତ ଯାଏ
ସାହା ଯେ ହୁଅନ୍ତି ପ୍ରଭୁ ଜଗନ୍ନାଥ !!
ଅଙ୍କା ବଙ୍କା ନଈ ନନା ରଙ୍ଗରେ
ବୁଲି ବୁଲି ଯାଇ ମିସେ ସାଗରେ
କାକଳି ର ମିଠା କୁହୁର ସ୍ବର୍ଣ୍ଣତା
ଅସାର ଆନନ୍ଦ ନଦୀ ପଠାରେ !!
ପର ଆପଣା ଏଠିତ ନାହିଁ
ସମସ୍ତେ ଯେ ଏଠି ଭଉଣୀ ଭାଇ
ଓଡ଼ିଆ ଜାତି ଭାଷା ବଢିଆ
ଗର୍ବରେ କହୁଛି ମୁଁ ଓଡ଼ିଆ !!
