ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ମନକୁ ମୋ ଚୋରାଇ ନେଇଛ
ପ୍ରେମକୁ ତୁମେ ସାଉଁଟି ରଖିଛ
ହୃଦୟ ମୋର ତୁମେ ଆବୋରିଛ
ଆଖିର ଆଗରେ ତୁମର ମୂରତି
ଚାରିପାଖେ ମୋର ତୁମର ସୁଗନ୍ଧ
ମୋ ସ୍ୱପ୍ନରେ ଘୁରି ତ ବୁଲୁଛ ।
ମୋର ଭାବନାରେ ରହିଥାଅ ତୁମେ
ତୁମ ବିନା
ଆଉ କିଛି ଭାବି ମୁଁ ପାରେନା
ସବୁଆଡେ ତୁମେ ଦିଶିଯାଅ
ପବନର ପ୍ରତିଟି କଣାରେ
ତୁମ ଭାରୀ ନିଃଶ୍ୱାସ ତ ଥାଏ
ହୃଦୟରେ ବସା ବାନ୍ଧିଥାଏ
ଅଜଣାରେ
ମୋ ମନକୁ ତୁମେ ଚୋରାଇ ନେଇଛ
ଆଉ କିଛି ନାହିଁ
ମୋ ପାଇଁ ଭାବିବାକୁ ।
ତୁମେ
ମୋ ଦୁନିଆକୁ ଚୋରାଇ ନେଇଛ
ମନରେ ମୋ ଖୁସି ଭରିତ ଯାଇଛି
ସବୁଠି ତୁମର ରୂପ
ସବୁଠି ତୁମ ନିଃଶ୍ୱାସର ଛାପ
ମୋର ଅଗଣାରେ
ତୁମର ସୁଗନ୍ଧ ଘୁରି ତ ବୁଲୁଛି ।
<strong>(ଷଷ୍ଠ ଦଲାଇଲାମାଙ୍କ ତରୂଣ ଜୀବନର ଭାବନା ଏ କବିତାମାନଙ୍କରେ କିଛି ମାତ୍ରାରେ ପ୍ରତିଫଳନ କରାଯାଇଛି । ସେ ଅରୂଣାଚଳ ପ୍ରଦେଶର ତାୱାଙ୍ଗ ଅଂଚଳରେ ଜନ୍ମ ଗ୍ରହଣ କରିଥିଲେ ଏବଂ ପରେ ତାଙ୍କୁ ଷଷ୍ଠ ଦଲାଇଲାମା ଭାବରେ ଅଭିଷିକ୍ତ କରାଯାଇଥିଲା । ତରୁଣ ବୟସରେ ସେ ସଂସାରରୁ ବିଦାୟ ନେଇଥିଲେ । )</strong>
