[ezcol_1half]
କାହିଁ ରାଧା
କାହିଁ ତା ପ୍ରେମସୁଧା,
କାହିଁ ଝରୁଅଛି ରତି ପିୟୁଷ,
କାହିଁ ନବଘନ
ମୋହନ ସୁନ୍ଦର,
କାହିଁ କୁଞ୍ଜବନ ରାସରସ ?
କିଏ ବା ଖୋଜୁଛି
ସେ ପ୍ରୀତି ପ୍ରେମ ମଧୁ,
କିଏ ବା ଚାହୁଁଛି ଗୋପ ମାଧୁରୀ,
ଶୁଣ ସଖି ଶୁଣ
ସେ ମଧୁ ଝରାଉଛି
ତମ ଜବାରଙ୍ଗୀ ଓଠ ବଲ୍ଲରୀ ।
[/ezcol_1half] [ezcol_1half_end]
ତମେ ମୋର ରାଧା,
ମୋ ସହସ୍ର ଗୋପୀକା
ତମେ ଗୋପଦାଣ୍ଡ ରତି ଉଲ୍ଲାସ,
ତମ ତନୁ
ମୋର ତୀର୍ଥ ପୁଲିନ,
ମୋ ବିଧୁର ଜୀବନ ବିଳାସ ।
ଚାହିଁ ଦେଖ ଆଗୋ
ବାସନ୍ତୀ ହିଲ୍ଲୋଳେ,
ଆଜି ଏ ଲଗନେ ଲହରେ ଗୀତଗୋବିନ୍ଦ,
ମୁଁ ଖୋଜୁଛି
କେଉଁଠି ଅଛି ସେ ବୃନ୍ଦାବନ
ଯହିଁ ରଚିବା ଆମେ ଆମ ରାସ ବିନୋଦ ।।
[/ezcol_1half_end]
