କବିତା

ଘରେ ଅଛ ନିରଞ୍ଜନ

Niranjan Jena's odia poem Ghare Acha Niranjan

ହାତେ ଚଉକର ଘର
ଭାଙ୍ଗିବାକୁ ଆସିଲାଣି କେତେଥର
କିଏ ପାଣିରେ ବୁଡ଼େଇ ମାରେ
ସିଏ କିନ୍ତୁ ଧୂଳିରେ …
ବେଳସୁଁ…
କେଉଁ ଛଟକରେ ଆସି ହାତେଇ ନେବ ତମକୁ
ପାଇବନି କୂଳ କି’ କିନାରା ।।

ଘରେ ଅଛ ନିରଞ୍ଜନ
ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।

ଘରେ ଅଛ ନିରଞ୍ଜନ
ହଁ ଘରେ …।
ତମର ତା ଦକ୍ଷିଣଦୁଆରି ଘର
ଯାଉଁଳି କବାଟ ,
କେଉଁ – ଫାଙ୍କରେ ପ୍ରବେଶି ପାରେ ସେ
ବୁଝେନା ଆକଟ ।

ଉଜାଣି ପବନର ଖେଳ
ତମ ଘରେ ଅହିର୍ନିଶ ନିରଞ୍ଜନ
ତା’ ସାଥିରେ କି’ ଖେଳ ?
ସବୁବେଳେ କହୁଥିବ / ମୁଁ ତୋର କୋୟର
ସିଏ କିନ୍ତୁ ଚିରଦିନ ପର ।
ଜାଣନା’କି ! ଖେଳୁ ଖେଳୁ ସିଏ ପହି ଛାଡ଼ିଦେବି
ଏକା ଏକା ତମେ ଖେଳୁଥିବ
ସେ ସେଠି ନଥିବ ।

ହାତେ ଚଉକର ଘର
ଭାଙ୍ଗିବାକୁ ଆସିଲାଣି କେତେଥର
କିଏ ପାଣିରେ ବୁଡ଼େଇ ମାରେ
ସିଏ କିନ୍ତୁ ଧୂଳିରେ …
ବେଳସୁଁ…
କେଉଁ ଛଟକରେ ଆସି ହାତେଇ ନେବ ତମକୁ
ପାଇବନି କୂଳ କି’ କିନାରା ।।

ତା’ସାଥିରେ ଏତେ ପ୍ରୀତି ଭଲ ନୁହେଁ ନିରଞ୍ଜନ …
ଆବର କଥାଏ କହିବି
ଭେଟିନେବ ଗଣ୍ଠିକଥା
ସବୁଠାରେ ତାହାରି ମୁହାଁସ / ବହୁରୂପି ଭେକ
ଆଖି ମୁଦିନିଅ ; ନିଶବ୍ଦ ଘରୁ ଶବ୍ଦ ଆସୁଛି
ଶୁଣ , କାନ ପାତି ଶୁଣ
ସୁଗମ ପଥ ମିଳିଯିବ ।

ପ୍ରକାଶିତ ହୋଇଥିବା ଲେଖିକା/ଲେଖକଙ୍କ ତାଲିକା

ଲୋକପ୍ରିୟ ଲେଖା

To Top