ମାଆ ବୋଲି ଡାକି ଦେଲେ ଥରେ
ଖେଳିଯାଏ ପୁଲକର ଢେଉ
ମନ ତଳେ ଲେଖିଦିଏ କିଏ ମୋହିନୀ ମନ୍ତ୍ର ଚିଟାଉ
ବସୁନ୍ଧରା ପରି ସହିଯିବାର ସୁଖରେ
ଅମୃତର ଆସ୍ୱାଦନ ଢେଉ ଖେଳୁଥାଏ ମନ ସମୁଦ୍ରରେ
ଆଉ କିଛି ଅନାବନା ଖାଲ ଢିପ ଶବ୍ଦ
ସମତୁଲ ହୋଇଯାଏ ଚୁମି ଦେଲେ ଓଠ ଚିବୁକରେ
ଆଶ୍ୱାସନାର ହାତ ପାପୁଲିରେ ମମତାର ପଦ୍ମଫୁଲ
ମୋ ମନର ଶିଳାଲିପି
କେଉଁ ଅଦେଖା ଜ୍ୟୋତିରେ ଝଲମଲ
କୋମଳ ଜିଜ୍ଞାସାରେ ପ୍ରତିଧ୍ୱନିତ ଅନୁରଣିତ
କେଉଁ ଅସମାପିକା ସଙ୍ଗୀତ
ଧାଡ଼ି ଧାଡ଼ି ସ୍ୱପ୍ନର ଐରାବତ
ଭୂମିରୁ ଭୂମା ପର୍ଯ୍ୟନ୍ତ
ମୁଁ ବିଭୋର କେଉଁ ପବିତ୍ର ଲଗ୍ନରେ
ସବୁ ଦୁଃଖ ଯନ୍ତ୍ରଣାର ଅଣୁ ପରମାଣୁ ବିଞ୍ଚି ଦେଇ ମନ୍ଦିର ବେଢ଼ାରେ
ଦିଅଁଙ୍କର ଭୋଗ ଚାଙ୍ଗୁଡ଼ିରେ
ମୁଁ ପୁଣି ହଜିଯାଏ ଶଙ୍ଖଧ୍ୱନୀ ଧୂପଦୀପ ନୈବେଦ୍ୟ ବାସ୍ନାରେ ।।
ମାତୃତ୍ୱ
କୋମଳ ଜିଜ୍ଞାସାରେ ପ୍ରତିଧ୍ୱନିତ ଅନୁରଣିତ
କେଉଁ ଅସମାପିକା ସଙ୍ଗୀତ
ଧାଡ଼ି ଧାଡ଼ି ସ୍ୱପ୍ନର ଐରାବତ
ଭୂମିରୁ ଭୂମା ପର୍ଯ୍ୟନ୍ତ
