ପ୍ରେମ ଚି଼ହ୍ନନାହିଁ ଜାତି କି ଅଜାତି
ଦୁଃଖ ମାନେ ନାହିଁ ବାଡ଼
କୋହଲା ପାଗରେ ଦୋହଲା ଜଡରେ
ପକ୍ଷୀ ଖୋଜୁଥାଏ ନୀଡ……..।
ମନର ଦୂରତା ଅମାପ ରାଇଜ
ଆଖିର ଦୂରତା ଜହ୍ନ
ମନ ଖୋଜେ ବସି ଲାଜୁକୀ ତରୁଣୀ
ବାସ୍ତବ ହାତରେ ସ୍ୱପ୍ନ………..।।
ପ୍ରେମ କାହାଲାଗି ମିଠା ପୂର୍ଣ୍ଣିମାର
ଜହ୍ନ ଆଲୋକରେ ଭରା
ସେଇ ପ୍ରେମ ପୁଣି ଅମାବାସ୍ୟା ନିଡେ
ଅନ୍ଧାରରେ ମିଞ୍ଜି ତାରା………।।।
ଉଚ୍ଚ ନୀଚ ଆଉ ଧନୀ ଗରିବର
ହିସାବେ ଛିଡ଼ୁନି କଳି
ପରାସ୍ତ ସୈନିକ ବିଫଳ ପ୍ରେମିକ
ମିଛରେ ପଡୁଛି ବଳି………..।।।।
ପ୍ରେମ କରିବାକୁ ସାହସ ଯେ ନାହିଁ
ଯୁଦ୍ଧ କରିବାକୁ ବଳ
ଭଲ ପାଇବାରେ ପ୍ରେମ ଆଉନାହିଁ
ପ୍ରେମ ମହାକାଳ ଫଳ…………।।।।।
