ରଜବତୀ ହେଲେ ମା ବସୁମତୀ
ବୋହୂ ଭାବୁଥାଏ କେମିତି କାଟିବ ପହିଲି ରଜ ରାତି
କୋହଲା ପାଗରେ ହେଲା ରଜ ସଂକ୍ରାନ୍ତି
ବୋହୂକୁ ଧରି ଜ୍ବାଇଁ ବାବୁ ଶଶୁର ଘର ଚଳନ୍ତି
ପହଞ୍ଚି ଦେଖନ୍ତି ଶଶୁର ବସିଛନ୍ତି ପରିବା କାଟି
ବଡ଼ ଶଳା ଦେଉଛନ୍ତି ମସଲା ବାଟି
ରନ୍ଧାଶାଳେ ବସି ରାନ୍ଧୁଥିଲେ ଶାଶୁ
ଓଢ଼ଣା ଟାଣି ଦେଲେ ଜ୍ବାଇଁ ପୁଅ ପସୁ ପସୁ
ସବୁ କାମ ସାରି ଅଗଣା ରେ ବସିଗଲେ ଜ୍ବାଇଁ
ପଘା ଛିଡି ହେଲା ଓଲିଆ ଗାଈ
ବୋହୂରୁ ଝିଅ ହେଇ ସେ ଗଲା ଉଭେଇ
ଶଳା ଭାଉଜ ଆସିଲେ ପୋଡ ପିଠା ସାଙ୍ଗକୁ ପଣା ଟି
ନେଇ
ଥଟା ମଜା କରି କହିଲେ ଭାଉଜ
ତମ ପାଇଁ ଆମ ଛୁଟି ଖାରଜ
ବଢେଇ ଦେଲେ ପୁଣି ହାତକୁ ପାନ
କହିଲେ ମନା କରିବନି ଚୂନ ବଦଳେ ଦେଇଛି ମନ
ଧଇଁ ସଇଁ ହୋଇ ଆସିଲା ସାନ ଶାଳୀ
କହିଲା ବସି ବସି ଟିକେ ଦବା ଲୁଡୁ ଖେଳି
ତିନିହେଁ ବସିଲେ କରିକି ମେଳି
ଜ୍ବାଇଁ ପୁଅଙ୍କୁ କହିଲେ ପକାଅ ପ୍ରଥମ ପାଳି
ଖୁସିବାସି ହୋଇ କଟିଲା ରଜ
ରଜ ଆଣିଥିଲା ସମ୍ପର୍କ ରେ ମଉଜ ।।